خطورة استخدام الانترنت المجاني ولكم حرية الاختيار
السلام عليكم متابعي موقع ومنصة ارتكل اليوم سوف نقوم بشرح لكم خطورة استخدام الانترنت المجاني ولكم حرية الاختيار عشان احنا شايفين جروبات كتير وبيدجات كتير بتضحك على عقولكم وبتنزلكم يوميا عدد كبير من الكونفجات 3/4 مش شغال والهدف ورا الكلام دا كله الربح المادى من اللينكات الـ ربحيه الـ حضراتكم بتفتحوها ..
ف دلوقتى الجزء الاول من الشرح بتاعتنا , توعيه وتنويه قبل ما تستخدم الانترنت المجانى والجزء التانى الشرح ..الاول خلينا نعرف يعني ايه كونفجات .
الكونفجات بكل بساطة هى عباره عن ملفات تحتوى على اعدادات التطبيق وحساب ال ssh والهوست الخاص بالشريحه.
تمام طيب نبدا بالجزء الأول :
خطوره استخدام الانترنت المجانى الخاص بثغره فودافون :
اولا برنامج الـ HTTP Injector :
تعرف ان التطبيق دا لما حضرتك بتنزله عندك وبتوافق عليه بتديله صلاحيات اي ؟؟
اكيد ماخدتش بالك بس انا هقولك يا سيدي :
1- صلاحيات معرفه نوع الجهاز واسمه وتاريخ اصداره ورقمه والسيريال الخاص بيه وسواء كان روت او لا.
2- سجل مكالماتك وارقام تيليفوناتك .
3- تعديل او مسح او شي في الميموري كارد سواء كان صور ملفات تكستات اى حاجة .
4- تحكم كامل بالانترنت
طبعا حد يقدر يقولي ليه تطبيق زي دا ليه الصلاحيات دى الـ حضرتك بتوافق عليها وانت بتنزله من غير ما تقرا هو ليه صلاحيات اي ؟
لو افترضنا ان التطبيق نفسه مفهوش حاجة خالص وسليم 100% (افتراض)
تعالا نشوف التطبيق دا بيوصلك ازاى بالانترنت المجانى ..
فودافون سواء كان معاك رصيد او ممعكش رصيد لو انت فاتح الـ 3G وفتحت المتصفح بتاعك هيحولك على صفحه تابعه لموقع فودافون .
ودى في حد ذاتها معناها انك متصل بالانترنت .. طيب تم استخدام الموضوع دا في ان يتعمل Payload البايلود دا بتستخدمه في الابليكيشن + شوية حاجات كدا عشان تتصل بالنت.
طيب اي هي شوية الحاجات دى ؟؟
الـ Proxy Server
والـ SSH Server
طيب اى هو الـ Proxy Server ؟
بالبلدي كدا دا يعتبر جهاز واقف بينك وبين الانترنت اى حاجة طالعه منك او جايالك بتعدي اللاول على الجهاز دا او السيرفر دا وبعد كدا يا تجيلك يا تطلع من عندك ..
طيب اى هو الـ SSH server ؟
دا سيرفر بيكون خارجي منفصل عن اللانترنت عندك وبيكون غير محدود يعني مفيش مواقع مقفوله عليه اكيد هيكون ليه IP ثابت مش هيتغير يعني مش Dynamic IP يعني مش ايبي متغير زي الـ في مصر مثلا وطريقه اتصالك بالسيرفر دا بتكون مشفره ب Key محدد وخاص بالسيرفر دا وبطريقه التشفير دي.
طيب دلوقتى حضرتك لما بتدخل اى موقع مجاني بيديلك اكونتات SSH مجانيه ..
اولا انت متعرفش الـ Key الـ اتعمل بيه SSH انت ببتدخل بتطلب يوزر نيم وباسورد لسيرفر معين سيان مثلا في فرنسا
اولا المواقع دى مش بتحمي الباسورد بتاع اليزور بتاعك يعني هى اوتوماتك عارفه اليوزر نيم والباسورد الـ حضرتك لسا عامله والسيرفر بتاعهم .
طيب انا دلوقتى كـ مخترق لو حبيت انى استغل الكلام دا وانا شغال في المواقع دى مثلا !
ابسط حاجة انى هدخل على السيرفر بتاعك الـ حضرتك عملته الـ بيقعد معاك 3 ايام واراقب كل اتصالاتك بالانترنت ولو قدرت انى اخترق موبايلك ساعتها هيكون عندي تحكم كامل في الموبايل اعلي حتي من التحكم بتاعك انت كمجرد مستخدم عادى للتيليفون .
طيب البروكسي خطورته اى ؟
البروكسي المجانى الـ انت مش عارف جاي منين ولا مين قاعد عليه ولا مين عامله اصلا.
ممكن يسرق منك كل حاجة انت بتبعتها وبتستبلها لدرجه انه اصلا ممكن يغير داتا انت بعتها ويغير داتا انت هتستقبلها بمزاجه بمجرد انه يقف في الاتصال بينك وبين السيرفر كدا خلاص شكرا الاختراق حصل بنجاح جدا..
كل دا يا جماعه بمجرد افتراض ان البرنامج كمان الـ بنستخدمه سليم 100% ومش بيعمل حاجة تضر الجهاز ..
ولو الافتراض دا غلط فـ تاكد ان كل بياناتك الـ موجوده على الجهاز من صور للأسماء لملفات كل شي حتي انت في خطر ممكن تقول واى يعني انا معنديش حاجة مهمه بس انت اكيد حيااتك مهمه ..
انت ممكن تكون مجرد BOTNET يعني تم اختراق جهازك او موبايل عشان في يوم معين يتم ضرب سيرفر خاص ممكن يكون حاجة خاصه بدولتك ممكن تكون مستشفي فيها ناس مرضي ممكن تكون اى حاجة . ف خليك فاهم ومتحطش نفسك في وضع خطر عليك ..
يارب تكونوا استفدتم..
متنساش تعمل شير لصاحبك اللي بيستخدم انترنت مجاني
تعليقات
إرسال تعليق